الكتيبة أو الرسم عالحيوط عادة ورثناها من عند جدودنا الأولين و كانت طريقتهم في التواصل. اليوم الحاجة هاذي ولات ممنوعة و تنجم تدخل على خاطرها للحبس تحت مسمى الإضرار بأملاك الغير. المشكلة تتمثل في انوا حتى واحد ما خمم في حل للإشكال الأصلي و اللي حسب رأيي الشخصي هو أن الشباب ما لقاش فضاءات للتعبير عن آراءهم فاختاروا انهم يخلقوا فضاءات خاصة بيهم.
المشكل الثاني انوا السلط العمومية عمرها ما كانت ذكية و استغلت الموهبة متاع الشباب : يكفي انك توفرلهم فضاء ينجموا يعبروا فيه كيما حيوط الأنفاق، تحت القناطر... و هكاكا تكون اعطات وجه اخر للشوارع و خلات الشباب يعبر و يمارس الفن براحة.
 |
| صورة التقطتها في نهج السيدة عجولة بالمدينة |
Aucun commentaire:
Enregistrer un commentaire