رجال و نساء من بلايص مختلفة، من اختصاصات متنوعة، فيهم المهندس و الطبيب و الأستاذ و التلميذ و الطالب... جمعتهم تصويرة.
التصويرة وراها محبة كبيرة، التصويرة وراها غرام و حب للانستغرام(موقع اجتماعي يعتمد على التصوير كرابط بين المشتركين) ، التصويرة سببها غرامهم بالصورة، التصويرة وراها حب البلاد اللي جمعهم على الحلوة و المرة...
التصويرة لحظة يخطفوها من الزمان، لحظة عوالمهم تولي عالم واحد، لحظة ما تموتش مع موت بنادم...
التصوير جمعهم أما حب البلاد وحدهم...
بالتصوير اختاروا انهم يعبروا على مشاغلهم، أحلامهم، رؤيتهم لحاضر تونس و مستقبلها...
بالتصوير إختاروا ينقلوا تاريخ تونس من مكان لمكان، من زمان أجدادهم لزمان أولادهم...
عرفتهم و عرفت روحي معاهم ،حلمتي و أحلامهم تخلطوا و ولاو حلمة كبيرة فيها تونس خير و أحلى...
خرجة انستغرام تونس في البلفيدير
Aucun commentaire:
Enregistrer un commentaire